مرحبا..انا عـ النـ الحزين ـاي ـازفة..
حياتي من أسمي.. بدلعوني لولو..على كبر.لما كنت صغيرا شو كان الي اسامي يالطيف..هههههههههه
انا سوريه..ولدت وعشت كل حياتي بالسعوديه..انا من مواليد 5/4/ 1982..برح الحمل..يوم الاثنين الساعه 9 م..هههههههه ولدت بالبيت..على ايد دايه..اسما فاطمه..بعد 20 سنه اكتشف انه ابنا اخوي بالرضاعه..
انا التانيه بين اخوتي وبعدي 3 أولاد..قبلي بنت..وانا كنت مشروع ولد..بس طلعت بنت..هاد السبب الي خلا الاهل يكرهوا البنات..
بس ما طلعت صبي طلعت حسن صبي..هههههههههههههههه
كنت كتير شقيه..وذكية..وشاقه الارض وطالعه..وهاد السبب الي خلاني انضرب ليل نهار..ختى علامات الضرب علمت على جسمي ليومي هاد..الله يسامحن اهلي..
كان كل شي بينكسر على ايدي..وأي مصيبه بالبيت اكيد انا..وكل واحد من اخوتي بيروح على المستشفى اكيد لولوعامله فيه مصيبه..يمكن تقولوا لو انا مكان اهلك كنت عملت فيكي هيك واكتر..
لا بالعكس الأهل اذا استحملوا الطفل وأخدوا بالسياسه بيركز..بس كل ما ضربوا بيجن أكثر..
يمكن الأسطر الي تقرؤها كلها حزن..بس انا بالعكس قدام الناس قوية..وبالمنتدا يمكن كمان شفتوني هيك..فرفوشه وعم أضحك..وما بحب أورجي حدا حزني..
المهم كبرت وكبر همي..دخلت المستشفى اكثر من مليوم مرة..
مرة فتت تسمم أكل شغله خربانه..ومو هيك كمان طعميت أختي معي..والله ما بعرف انه خربانه..أختي الكبيره كانت كتير عاقله..كنت أنا أشغلا وهيا تجن..وانا اكل البهدله بالأخير..
ومرة فتت على المشفى تصوروا ضربتني المروحه طلعت على السيبه وما كنت عرفانه المروحه شغاله وضربتني من قفا راسي وقعت على الارض وفقدت الذاكرة يومين..قاله الدكتور لماما لازم نضربا ضربه تانيه لحتى ترجعلا..أنا طبعا ما بوعا على هالشغلات ..ماما عم تحكيلي.. قالت له هي مجنونه خلقا بدك تجننا كمان لا..أجت الشرطا للمستشفى من شان قضيتي ..(ما كنت بعرف حالي لهالقد مهمه..) محسبين ماما ضربتني..بس وانتهى الموضوع ورجعت اليوم التالت على اجري للبيت.. مرة كمان من كتر مالي شيطانه بريت اصبعتي تخيلوا..قال بدي ياها حلوة متل قلام الرصاص.. كبيرت ودخلت للمدارس ودخلت الثانوي..وتخرجت وما قدرت أحقق حلم حياتي أني افوت على الجامعه..دخلت هون عدتة معاهد..منها كمبيوتر..وفنون بكل أنواعها عدا الخياطه وعملت معرضين..ودرست لغة إشاره(لغة الخرسان) ودرررررست فيا كم شهر..ودرست اسعافات اوليه..ودرست أنجليزي جرامر بس..وبتمنى أدرس ديكور وعلم نفس..واشتغلت كل شي..
الشي الي ما حدا بعرفوا على وجه الأرض غير اهلي أني حاولت انتحر كتير..بس سبحان الله ربي مو رايدلي أكون من أهل النار..الحمدلله على كل حال..وهلا عم أحاول أجدد بحياتي..وأغير كل شي صار انسى طفولتي الي بحياتي ما حسيتا..ولا بعمري ذقت طعما..وعم احاول قدر الامكان اني افتح صفحه جديده بحياتي والله لا يدوقا لحدا الي أنا دقته..
قلبي كتير طيب يعني بينضحك علي بسرعه..هي حياتي..وسوري لأني طولت..وحكيت حكي فاضي..
على فكرة هاد جزأ بسيط لا يتجزأ من حياتي..
تحياتي للكل..وانسوا كل شي انكتب هون..
