ســـيرتك الذاتية .....

المزيد» ... · 09-21-2008, 10:51 AM

مساء الخير ..

كيف الاضعء الغعالين انشالله تكونو بخير وصحة وعافية ..

وانا قاعد بليل خطرة على بالي فكرة سيرتك الذاتية ..

وان كل واحد يدخل للموضوع هاد يكتب النا شو هي حياتو ... مثلا .....

وين مولود .. وين درس ... وشو درس ... وكم سنة رسب .. وشو ناوي تعملي او تعملي

وشو استفدت من الحياة ... وشو اكبر تجربة كانت الك ... وشو .. شو .. وشو ... الخ

يعني بدنا كل شي بالتفصيل عن حياتك ... بالتفصيل الممل ..

وما في عضو يختار عضو ... لا راح يكون الموضوع اختياري ان العضو

الي حابب يحكي عن حالو اهلا وسهلا فيه .. يفوت يدخل ويحكي الي بدياه ..

والي ما بده على راحتو كمان اهلا وسهلا فيه على الحالتين ...

وشكرا لجميع الاعضاء .. ويعطيكم العافية

المزيد» ... · 09-21-2008, 11:01 AM

وانا راح بلش بالاول ...

انا مولود بالكويت سنة 1985 بس انا مسجل بالمنتدى بتاريخ 1987 ليش سبب خاص شوي

عشت طفولتي كلها هون بالكويت كانوا يحكوا عني السفير الصغير ..

كنت دايما سافر على طول مع الوالدة ...

طفولتي كانت روعة وممتعة .. ما كنت اطلب شي الا وحضر .

درست اول ابتدائي بمدرسة القبس ... وتانية وتالتة ورابعة ابتدائي بمدرسة التوحيد الاسلامية

واول وتاني وتالت متوسط بمدرسة القبس .. ورابع متوسط واول ثانوي وثاني ثانوي بالنجاة

وثالث ثانوي ورابع ثانوي بمدرسة القبي لان هي الوحيدة يلي فيها فرع ادبي وخاصة ...

وعلى فكرة انا اخذت بالصف الاول الثانوي يلي هو تاسع دور تاني يعني كنت على شبه ان ارسب

بمادة الرياضيات بس الوالدة شجعتني وكملت والحمدالله نجحت .. وما كنت احب الدراسة بالمرة ..

وكنا شلة بالمدرسة .. مكونة من 8 افراد طبعا ان ال Big Boss واخريت الشلة

وقعت براسي اتصلوا على الوالد واجى على المدرسة وياريت ما اجى ... يومها اكلت كف من قلب

وجهي ضل يلف مكانه ساعة كاملة

بس والله انتقمت شر انتقام من المدرسين ... مع ان يومها كنت فرحان وجايب بالاجتماعيات 10 / 10

بس ما جابت نتيجة مع الوالد ... بدي يدمرني بده يدمرني ..

وبعدها الحمدالله خلصت دراستي الثانوية على خير .. وقبل ما تطلع النتائج هون بالكويت

هربت وسافرت على سوريا وانا بعدني على حدود الكويت دقوا علي وقالولي نجحت بنسبة 78 %

وصارت عندنا حفة والناس كلها اجت وطبعا اسماء الناجحين بالجريدة ... واسمي كان منهم طبعا احم احم

ههههههههههههههههههههههه

والحمدالله نجحت وسافرت على سوريا وخلصت اوراقي من هون كنت بدي ادرس بحلب ..

بجامعة المأمون بس ما كان في نصيب لان ما كن فيه تسجيل للمستجدين ..

فرجعت على الكويت .. وسجلت بمعهد هاي دبلوم سنتين ادارة اعمال ..

واكانوا احلى سنتين بحياتي .. والله احلى سنتين .. بتعرفوا يعني كنا شلة شباب وبنات

وطلعات وناسة وضحك ومهرجانات وتحديات والقاء ووكل شي

وخلصت احلمدالله بتقدير امتياز مع مرتبة الشرف ...

وبعدها سافرت على سوريا .. ورجعت توظفت ... هون بالكويت

وبديت مشوار الالف ميل نحو المستقبل ...

وهاي كانت حياتي يا جماعة ... واذا في شي حد من الاعضاء حابب يعرفوا من عيوني الثنتين هو

يسأل وانا انشالله بجابوا

بانتظاركم

• · 09-21-2008, 11:13 AM

مشكوووور عطر على هالفكرة الحلوة
الي رجعة ان شاء الله

المزيد» ... · 09-21-2008, 11:37 AM

اهلا وسهلا فيكي رولا نورتي بمرورك ..

واحنا بنتظارك ها ... بدنا تشرفينا بسيرتك الكريمة ..

دمتي بود وعطر الياسمين

• · 09-21-2008, 11:30 PM

بالنسبه لي انا ...
انا مواليد قطر25-12-1985 لكن الاصل فلسطينيه من منطقه اسمها عنبتا.. كانت دراستي كلها بقطر وخلصت التوجيهي ورحت للاردن كملت جامعه هناك بجامعه العلوم التطبيقيه وبدرس جرافيك وساكنه حاليا لوحدي ببيتنا بالاردن لكن انشالله بعد العيد بس ارجع على الاردن راح تيجي بنت من قرايبنا ما بحبها راح تسكن معي ههههههههه وحياتي هناك حياه مو متل البنات الي بعرفهم 24 ساعه برا البيت انا من النو البيتوتي اكتر يعني بخلص المحاضرات وبروح على البيت على طول .. وبحب الضحك كتير بس انا من النوع الي بخفي حزني لدرجه فظيعه بكون عم ببكي من جوا بس بتكون ابتسامتي على شفايفي هالشي بحبو فيي انو بحاول دايما اضحك مع انو مجروحه من الكل... والشي الي بكرهو فيني اني طيبه زياده عن اللزوم وبفضل الناس علي يني بلبي طلبات الكل فوق مصلحتي انا نفسي .. وهالشي غلط بس عم حاول اصلحو فيني .. وتاني شي انا بضل افكر كتير وبشغل بالي كتير وانا من النوع الي دمعتي على خدي دايما... واي سؤال منكم انا جاهزه.. تقبلو تحياتي للجميع..